ලෝක ළමා දින සැමරුම් උත්සවය - 2024

සෑම වර්ෂයක මෙන් මෙවරද සඟබෝ දුවා දරුවන් වෙනුවෙන් සඟබෝ ඇඳුරු මඩුල්ලේ සංවිධානයෙන් ළමා දින සැමරුම් වැඩසටහනක් 2024 ඔක්තෝබර් 1 වැනි දින පාසල් පරිශ්‍රයේදී පැවැත්විණි. ඒකාකාරී දෛනික පාසල් රටාවෙන් මිදුනු වෙනස් අත්දැකීමක් දරුවන් හට ලබා දීමත්, ගුරු - සිසු සබඳතා වැඩි දියුණු කිරීමත් අරමුණු කර ගනිමින් මෙවර ළමා දින සැමරුම් උත්සවය පැවැත්වීමට කටයුතු සංවිධානය කර තිබින.

පාසලේ සිසුන් හා ගුරුභවතුන් අතර සුහඳ ක්‍රිකට් තරඟයක් පැවැත්වීමත්, දරුවන්ට දිවා ආහාර වේලක් ලබා දීමත් මෙදින ප්‍රධාන අංගයන් ලෙස සංවිධානය වී තිබිනි.

‘සියලු දරුවන්ට එක හා සමානව සැලකීම හා ආරක්ෂාව ලබා දීම‘ මෙවර ලෝක ළමා දින තේමාවයි. 

සියලු ලෝක වාසී දරුවන්ට සමව සලකන ආරක්ෂිත ලෝකයක් උදා වේවා යන්න සඟබෝ අපගේ ළමා දින පැතුමයි